فرح گوگی نے وکیل کے ذریعے نیب نوٹس کا جواب دے دیا

سابق وزیراعظم عمران خان کی اہلیہ بشری بی بی کی سہیلی فرحت شہزادی عرف فرح گوگی نے قومی احتساب بیورو (نیب) نوٹس کا جواب دےدیا۔

فرح گوگی کے وکیل اظہر صدیق نے چیئرمین نیب کو نوٹس کا جواب بھجوادیا ہے۔

توشہ خانہ کیس، بشریٰ بی بی کا بھی نیب میں پیش نہ ہونے کا فیصلہ

سابق وزیراعظم عمران خان کی اہلیہ بشریٰ بی بی نے قومی احتساب بیورو (نیب) کے سامنے پیش نہ ہونے کا فیصلہ کیا ہے۔

فرح گوگی کے وکیل نے نیب نوٹس کے جواب میں کہا کہ فرحت شہزادی کا توشہ خانہ کیس سےکوئی تعلق نہیں۔

وکیل نے جواب میں مزید کہا کہ نیب کسی بھی پرائیویٹ شخص سے تحقیقات نہیں کرسکتا، نیب سیاسی مخالفت میں نوٹس بھجوا رہا ہے۔

فرح گوگی کے وکیل نے یہ بھی کہا کہ چیئرمین نیب طلبی کا نوٹس ختم کریں ورنہ عدالت سے رجوع کیا جائے گا۔