• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لوگ ڈرامہ کے کردار کو برا کہنے کے بجائے مجھے برا کہہ رہے ہیں، سبینہ فاروق

تازہ ترین
انٹرٹینمنٹ
23 مارچ ، 2023
لوگ ڈرامہ کے کردار کو برا کہنے کے بجائے مجھے برا کہہ رہے ہیں، سبینہ فاروق

اداکارہ سبینہ فاروق کا کہنا ہے کہ لوگ ڈرامے کے کردار کو برا کہنے کے بجائے ذاتیات پر اتر آئے ہیں، مجھے اور میرے والدین کو بد دعائیں دے رہے ہیں۔

برطانوی نشریاتی ادارے کو انٹرویو دیتے ہوئے سبینہ نے کہا کہ میں سب معاملہ اللّٰہ پر چھوڑ دیتی ہوں۔

ان کا کہنا تھا کہ میں اس کو زیادہ دل پر نہیں لیتی، نا ہی یہ سب میری ذہنی صحت کو متاثر کرتا ہے۔

سبینہ نے کہا کہ مجھے نہیں معلوم باقی لوگ جو منفی کردار ادا کرتے ہیں وہ اس تنقید کو کیسے برداشت کرتے ہیں؟

ان کا کہنا تھا کہ لوگ بد دعائیں دیتے ہیں، فیملی تک جاتے ہیں، کردار کو نہیں میرا نام لے کر برا بھلا کہتے ہیں۔

خیال رہے کہ جیو ٹی وی پر آج کل ڈرامہ سیریل ’تیرے بن‘ نشر ہو رہا ہے جس میں سبینہ منفی کردار ادا کر رہی ہیں، ان کے کردار کا نام ’حیا‘ ہے۔

انٹرٹینمنٹ سے مزید