فرمان الہی
نماز کے اوقات
ماضی کے معروف تھیٹر اور کامیڈی اداکار انور علی نے اسکرین سے دوری کی وجہ بتادی۔
80 اور 90 کی دہائی کے معروف کامیڈین اور تھیٹر کے سینئر اداکار انور علی جو گزشتہ چند برسوں سے اسکرین سے غائب ہیں تاہم اب ان کی اسکرین سے دوری کی وجہ سامنے آگئی۔
سوشل میڈیا پیج کے مطابق ماضی کے معروف اداکار نے چند برسوں قبل اسلام کی خاطر شوبز انڈسٹری سے کنارہ کشی اختیار کرلی ہے۔
ایک یوٹیوب چینل کو انٹرویو دیتے ہوئے انہوں نے بتایا کہ انہوں نے اپنی شہرت کے عروج کے دنوں میں بھی کبھی نماز نہیں چھوڑی تھی، خوف خدا ہمیشہ سے ہی دل میں رہا۔
انہوں نے کہا کہ شاید یہ ان کی نماز کی برکت ہی ہے جس کی وجہ سے جب تھیٹر کا زوال شروع ہوا تو اس مشکل وقت میں بھی انہیں کسی کا محتاج نہیں ہونا پڑا۔ آج وہ اپنی زندگی سے مطمئن ہیں۔
انہوں نے بتایا کہ جس وقت تھیٹر میں فحاش کلچر پروان چڑھنے لگا اس وقت ان کا اس ماحول میں کام کرنا مشکل ہوگیا جس کی وجہ سے شوبز میں مزید کام کرنا مشکل ہوگیا تھا، اس لئے انہوں نے شوبز کو خیر باد کہہ دیا۔
انہوں نے بتایا کہ ان کی چند دکانیں ہیں جس کا کرایہ آتا ہے اور اس طرح ان کا گزر بسر ہوجاتا ہے اور فارغ وقت تبلیغ دین میں صرف کرتے ہیں۔
