• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اعجاز چوہدری کو جیل میں بی کلاس دینے کیلئے ہوم سیکریٹری کو خط لکھنے کی ہدایت

تازہ ترین
قومی خبریں
09 جون ، 2023
فائل فوٹو
فائل فوٹو

لاہور ہائیکورٹ نے  تحریک انصاف کے رہنما اعجاز چوہدری کو جیل میں بی کلاس دینے کے لیے ہوم سیکریٹری کو خط لکھنے کی ہدایت کردی۔

لاہور ہائیکورٹ میں تحریک انصاف کے رہنما اعجاز چوہدری کو جیل میں بی کلاس دینے کے لیے درخواست پر سماعت ہوئی۔

اس موقع پر جیل حکام کا کہنا تھا کہ انسدادِ دہشتگردی عدالت کے حکم پر گھر سے کھانا اور ادویات کی فراہمی کی اجازت دی۔

جیل حکام نے کہا کہ جیل میں بی کلاس دینے کا اختیار نہیں، ہوم ڈیپارٹمنٹ ہی بی کلاس دے سکتا ہے۔

عدالت نے جیل حکام کو ہوم سیکریٹری کو تحریری اجازت کے لیے خط لکھنے کی ہدایت کرتے ہوئے درخواست پر سماعت 16 جون تک ملتوی کردی۔

واضح رہے کہ پی ٹی آئی کے سینیٹر اعجاز چوہدری کو اڈیالہ جیل سے رہائی کے فوراً بعد دوبارہ حراست میں لے لیا گیا تھا۔

قومی خبریں سے مزید