زید اور گوہر نے اپنے نومولود بیٹے کا نام ’ذیہان‘ رکھ دیا

بالی ووڈ کی اداکار جوڑی زید دربار اور گوہر خان نے اپنے نومولود بیٹے کا نام ’ذیہان‘ رکھا ہے۔

یہ بات انہوں نے انسٹاگرام پر مشترکہ پوسٹ کرتے ہوئے بتائی۔

انہوں نے کہا کہ ماشاء اللّٰہ، ذیہان کی پیدائش کو ایک ماہ مکمل ہوچکا ہے، آپ سب کی محبتوں کا شکریہ۔

زید اور گوہر نے کہا کہ ذیہان کیلئے آپ کی دعاؤں کے شکرگزار ہیں، فی الوقت اپنی ’ننھی سی جان‘ کیلئے پرائیویسی چاہتے ہیں، وہ بھی آپ سب کو بہت پیار دے رہا ہے۔

یہ پہلا موقع ہے کہ گوہر اور زید نے اپنے بیٹے کی تصاویر شیئر کی ہیں۔