فرمان الہی
نماز کے اوقات
ایک خاتون سیاح نے وسطی امریکا کے ملک گوئٹےمالا کا دورہ کیا اور وہاں ایک آتش فشاں پہاڑ پر پیزا پکایا۔
الیگزینڈرا بلوجٹ نامی خاتون نے انسٹاگرام پر ویڈیو شیئر کی جس میں ایک شخص طشتری میں موجود پیزا پر سبزیاں ڈال رہا ہے۔
کچھ لمحوں بعد وہ شخص پیزے کی طشتری کو پہاڑ کی سطح پر رکھ دیتا ہے۔
اس پہاڑ کے اندر آتش فشاں ہے جس کی وجہ سے اس کی سطح پر رکھی گئی طشتری میں پیزا پک گیا اور آگ جلانے کی ضرورت نہیں پڑی۔
الیگزینڈرا نے بتایا کہ یہ سہولت 'پکایا' نامی آتش فشاں میں دستیاب ہے۔
انہوں نے انسٹاگرام پوسٹ میں کہا کہ اس نیشنل پارک میں آنے کیلئے آپ کے ساتھ ایک گائیڈ کا ہونا ضروری ہے۔
ان کا کہنا تھا کہ اس آتش فشاں سے آخری بار 2021 میں لاوا نکلا تھا، یہاں اوپر بہت ٹھنڈ ہوتی ہے تو اپنے ساتھ اضافی کپڑے لے کر آئیں۔
