فرمان الہی
نماز کے اوقات
یہ ایک حقیقت ہے کہ انسان تاحال سمندر کی تہہ تک نہیں پہنچ پایا ہے مگر جہاں تک رسائی ہے وہاں تک قدرت کی جانب سے پیدا کی گئی اَن گنت عجیب و غریب خلقت دریافت ہو چکی ہے۔
سوشل میڈیا پر اس وقت قدرت کی ایک ایسی ہی مخلوق کی ویڈیو وائرل ہے جو کہ شاید پہلی بار ہی دنیا کے سامنے آئی ہے۔
وائرل ویڈیو میں سرمئی رنگ کی ایک عجیب و غریب مچھلی کو دیکھا جا سکتا ہے جو کہ پانی میں کھڑی دکھائی دے رہی ہے۔
ویڈیو میں دیکھا جا سکتاہے کہ اس کے آس پاس موجود غوطہ خور اسے ناصرف حیرانی سے دیکھ رہے ہیں بلکہ اس کی ویڈیو بھی بنا رہے ہیں۔
اس نایاب ترین مچھلی کی جِلد میں شیشے کی طرح غوطہ خور اپنا عکس بھی دیکھ سکتے ہیں۔
چمکتی جِلد رکھنے والی یہ مچھلی کہاں دریافت ہوئی ہے اس سے متعلق تاحال کوئی معلومات سامنے نہیں آئی ہیں۔
