نگراں حکومت کے پی کے کی متاثرینِ جڑانوالہ کیلئے امداد

خیبر پختون خوا کی نگراں حکومت کی جانب سے متاثرینِ جڑانوالہ کے لیے امدادی سامان کے 9 ٹرک روانہ کر دیے گئے ہیں۔

سیکریٹری مذہبی و اقلیتی امور ڈاکٹر اسد نے بتایا کہ وفد اور امدادی سامان بھیجنے کا مقصد بین المذاہب ہم آہنگی پیدا کرنا ہے۔

اُنہوں نے کہا کہ امدادی سامان میں متاثرین کے لیے خوراک اور دیگر ضروری اشیاء شامل ہیں۔

سیکریٹری مذہبی و اقلیتی امور ڈاکٹر اسد نے بتایا کہ وفد کل جڑانوالہ کا ایک روزہ دورہ کرے گا۔

اُنہوں نے یہ بھی بتایا کہ وفد متاثرہ علاقوں کا دورہ اور 300 متاثرہ خاندانوں میں امدادی سامان تقسیم کرے گا۔