فرمان الہی
نماز کے اوقات
کراچی میں چپ تعزیے کی الوداعی دوسری مرکزی مجلس کے اختتام کے بعد دوسرا جلوس اپنے مقرر کردہ راستے پر رواں دواں ہے۔
چپ تعزیے کے سلسلے میں دوسری مرکزی مجلس قصرِ مصیب امام بارگاہ میں اختتام پزیر ہوئی جس کے کچھ دیر بعد مرکزی جلوس رضویہ سوسائٹی سے برآمد ہوا۔
چپ تعزیے کے جلوس کی سیکیورٹی کے پیشِ نظر بڑا بورڈ سے ناظم آباد آنے والی دونوں سڑکیں ٹریفک کے لیے بند کر دی گئیں۔
اسی سلسلے میں لیاقت آباد سے ناظم آباد، لسبیلہ چورنگی اور تین ہٹی کے اطراف سڑکیں عام ٹریفک کے لیے بند ہیں اور جلوس کی گزرگاہوں پر پولیس اور رینجرز کی نفری تعینات ہے۔
جلوس مقررہ راستوں سے ہوتا ہوا امام بارگاہ شاہِ نجف مارٹن روڈ پر اختتام پزیر ہوگا۔
اس سے قبل آج صبح کراچی میں چپ تعزیے کا پہلا جلوس امام بارگاہ حسینیہ ایرانیاں پہنچ کر اختتام پزیر ہو گیا۔
کراچی میں چپ تعزیے کا مرکزی جلوس نشتر پارک سے برآمد ہوا تھا جس سے قبل نشتر پارک میں الوداعی مجلس منعقد ہوئی۔
چپ تعزیے کا جلوس مقررہ راستوں سے ہوتا ہوا حسینیہ ایرانیان امام بارگاہ کھارادر پر اختتام پزیر ہوا۔
جلوس کی گزرگاہوں پر پولیس اور رینجرز کی نفری تعینات کی گئی جبکہ گلیاں اور سڑکیں کنٹینر لگا کر بند کی گئی تھیں۔
