فرمان الہی
نماز کے اوقات
سابق کرکٹ لیجنڈز نے آئی سی سی کرکٹ ورلڈ کپ کے سیمی فائنلسٹ ٹیموں کے بارے میں پیشگوئی کردی، آسٹریلیا کے شین واٹسن، ایرون فنچ اور ویسٹ انڈیز کے کرس گیل نے پاکستان کو سیمی فائنلسٹ قرار دے دیا۔
سری لنکا کے مرلی دھرن اور بھارت کے روبن اتھاپا نے بھی پاکستان کو سیمی فائنلسٹ ٹیم قرار دے دیا تاہم عرفان پٹھان، گوتم گھمبیر، سنجے منجریکر، سنیل گواسکر اور جیک کیلس نے پاکستان کو سیمی فائنل کی دوڑ سے باہر کیا۔
جنوبی افریقہ کے سابق کرکٹر جیک کیلس نے بھارت، انگلینڈ، جنوبی افریقہ اور آسٹریلیا کی ٹیموں کو سیمی فائنل میں پہنچا دیا۔
ایرون فنچ نے بھارت، انگلینڈ، آسٹریلیا اور پاکستان کو سیمی فائنلسٹ کےلیے فیورٹ قرار دیا۔
یونیورس باس کرس گیل نے بھارت، پاکستان، انگلینڈ اور آسٹریلیا کو سیمی فائنل میں پہنچایا۔
گوتم گھمبیر نے بھارت، آسٹریلیا، انگلینڈ اور نیوزی لینڈ کی سیمی فائنل کے لیے پیش گوئی کی۔
بھارتی لیجنڈری کرکٹر سنیل گواسکر نے انگلینڈ، آسٹریلیا، بھارت اور جنوبی افریقہ کو سیمی فائنل کے لیے فیورٹ قرار دیا۔
عرفان پٹھان نے بھارت، جنوبی افریقہ، آسٹریلیا اور انگلینڈ کو سیمی فائنل کی لسٹ میں ڈالا۔
سری لنکن کے سابق لیجنڈری اسپنر مرلی دھرن نے بھارت، پاکستان، انگلینڈ اور آسٹریلیا کو فیورٹ قرار دیا
سابق آسٹریلوی آل راؤنڈر شین واٹسن نے آسٹریلیا، انگلینڈ، بھارت اور پاکستان کو فیورٹ قرار دیا۔
بھارتی سابق کرکٹر سنجے منجریکر نے بھارت، آسٹریلیا، انگلینڈ اور نیوزی لینڈ کو فیورٹ قرار دیا۔ روبن اُتھاپا نے پاکستان، آسٹریلیا، نیوزی لینڈ اور بھارت کو فیورٹ قرار دیا۔
