فرمان الہی
نماز کے اوقات
اینٹی کرپشن نے سابق وزیرِ اعلیٰ پنجاب چوہدری پرویز الہٰی کو لاہور کی ضلع کچہری میں پیش کر دیا۔
اینٹی کرپشن نے جسمانی ریمانڈ کے لیے پرویز الہٰی کو عدالت میں پیش کیا۔
پرویز الہٰی کو اینٹی کرپشن نے پنجاب اسمبلی میں بھرتیوں کے مقدمے میں پیش کیا ہے۔
پرویز الہٰی کے وکلاء نے سماعت ملتوی کرنے کی استدعا کر دی۔
سابق وزیرِ اعلیٰ پنجاب کے وکیل نے عدالت کے روبرو کہا کہ پرویز الہٰی کا معاملہ ہائی کورٹ میں زیرِ سماعت ہے، ان کی لیگل ٹیم ہائی کورٹ میں مصروف ہے، ہائی کورٹ نے سماعت ملتوی کی ہے اور پراسیکیوٹر جنرل کو طلب کیا ہے۔
اینٹی کرپشن کے تفتیشی افسر نے کہا کہ اینٹی کرپشن کے وکلاء کے دلائل مکمل سن لیں۔
اینٹی کرپشن نے تحقیقات کے لیے پرویز الہٰی کا 14 روز کا ریمانڈ مانگ لیا۔
پراسیکیوٹر نے کہا کہ پرویز الہٰی سے تحقیقات درکار ہیں، ماضی میں اس مقدمے میں ان کو جوڈیشل ریمانڈ پر جیل بھیج دیا گیا تھا، جیل بھجوائے جانے کے بعد ان کے وکلاء نے ضمانت دائر کی، لاہور ہائی کورٹ نے اینٹی کرپشن کو تحقیقات کے لیے ریمانڈ دینے کی اجازت دی، ہائی کورٹ کے فیصلے کی روشنی میں سابق وزیرِ اعلیٰ پنجاب کی ضمانت واپس ہوئی۔
