فرمان الہی
نماز کے اوقات
وزیرِ اعلیٰ پنجاب مریم نواز نے سنکیانگ میں چین کی ایک ڈیری کمپنی کے ہیڈکوارٹر کا دورہ کیا اور مختلف شعبوں کا معائنہ کیا۔
چینی کمپنی کے حکام نے وزیرِ اعلیٰ پنجاب کو تفصیلی بریفنگ دی اور انہیں دودھ کی پروسیسنگ کے مختلف مراحل سے آگاہ کیا۔
بریفنگ میں بتایا گیا کہ ڈیری فارمز پر مویشیوں کی حفظانِ صحت کے اصولوں کے مطابق پرورش کی جاتی ہے۔
اس موقع پر وزیرِ اعلیٰ مریم نواز نے کہا کہ پنجاب میں لائیو اسٹاک کی بہتری اور فروغ کے منصوبے نتیجہ خیز ثابت ہو رہے ہیں۔
انہوں نے کہا کہ مویشیوں کی افزائشِ نسل کے خصوصی منصوبے کامیابی سے جاری ہیں، جبکہ مویشیوں کو فربہ کر کے گوشت کی پیداوار کے لیے تیار کیا جا رہا ہے۔
مریم نواز نے کہا ہے کہ چین کے اشتراک سے پنجاب میں ملک اور ڈیری پروسیسنگ کا منصوبہ قائم کرنا چاہتے ہیں۔
