فرمان الہی
نماز کے اوقات
قومی اور صوبائی اسمبلی کے 5 سابق ارکان نے مسلم لیگ (ن) میں شمولیت کا اعلان کردیا۔
لاہور میں ن لیگی صدر اور سابق وزیراعظم شہباز شریف سے سابق ارکان قومی اور صوبائی اسمبلی نے ملاقات کی۔
دوران ملاقات سابق ایم این اے سردار منصب ڈوگر، فاروق رضا مانیکا، سابق ایم پی اے اور گدی نشین نظام الدین سیالوی، آصف عباس اور میاں ماجد نواز نے ن لیگ میں شمولیت کا اعلان کیا۔
شہباز شریف نے ن لیگ میں شمولیت پر سابق ارکان قومی اور صوبائی اسمبلی کو مبارک باد پیش کی اور انہیں پارٹی میں خوش آمدید کہا ۔
ان کا کہنا تھا کہ آپ کے فیصلے کا خیر مقدم کرتا ہوں، آپ کے آنے سے مسلم لیگ (ن) کی عوامی خدمت کا سفر مزید تیز ہوگا۔
سابق وزیراعظم نے مزید کہا کہ مسلم لیگ (ن) ایک گھر کی طرح ہے، جس میں سب کا احترام کرتے ہیں، پارٹی نے کبھی بھی عوام کو مایوس نہیں کیا۔
انہوں نے کہا کہ عوام نے ن لیگ کو انتخابات میں کامیاب کیا تو مہنگائی سمیت دیگر مسائل سے نجات دلائیں گے۔
شہباز شریف نے یہ بھی کہا کہ پاکستان کی معاشی خود انحصاری اور مسلم لیگ (ن) کی انتخابی کامیابی لازم و ملزوم ہیں۔
اُن کا کہنا تھا کہ پارٹی قائد نواز شریف کا ہر دور حکومت تعمیر، ترقی اور عوامی خوش حالی کا دورہ ہے۔
دوران ملاقات ن لیگ میں شمولیت اختیار کرنے والے سابق ارکان قومی اور صوبائی اسمبلی نے نواز شریف کی قیادت پر مکمل اعتماد کا اظہار کیا۔
ان کا کہنا تھا کہ نواز شریف کی قیادت میں عوام اور ملک کی ترقی میں کردار ادا کریں گے۔
