فرمان الہی
نماز کے اوقات
سپریم کورٹ کے سابق جج مظاہر نقوی کی سپریم جوڈیشل کونسل کارروائی کے خلاف درخواست پر 8 جنوری کی سماعت کا تحریری حکم جاری کر دیا گیا۔
عدالت نے حکم نامے میں کہا ہے کہ سپریم جوڈیشل کونسل کی کارروائی روکنے کی استدعا اس مرحلے پر قابل قبول نہیں، عدالت نے صرف شکایت کنندگان کو فریق بنانے کے نکتے پر دلائل سنے۔
سپریم کورٹ کا کہنا ہے کہ مؤقف سنے بغیر کسی کے خلاف کوئی حکم جاری نہیں کیا جا سکتا، سابق جج نقوی کی درخواست میں شکایات کو سیاسی اور بدنیتی پر مبنی قرار دینے کی استدعا ہے۔
حکم نامے میں کہا گیا ہے کہ دوسرے فریق کو سنے بغیر شکایت کو بدنیتی پر مبنی قرار نہیں دیا جا سکتا، گزشتہ سماعت پر بینچ کی تشکیل پر اعتراض کیا گیا جسے آج واپس لے لیا گیا۔
عدالت عظمیٰ نے حکم نامے میں یہ بھی کہا کہ درخواست ضروری ترامیم کے بعد دوبارہ دائر ہونے پر سماعت کے لیے مقرر کی جائے۔
