فرمان الہی
نماز کے اوقات
مبینہ دھاندلی اور مخصوص نشستیں نہ ملنے کے خلاف تحریکِ انصاف کی کھنہ پل سروس روڈ سے شروع ہونے والی ریلی کو پولیس نے راولپنڈی میں داخلے سے روک دیا۔
اس ریلی کی قیادت سمابیہ طاہر کر رہی ہیں جبکہ اس موقع پر پولیس کی بھاری نفری تعینات ہے۔
سمابیہ طاہر کا کہنا ہے کہ ریلی ایکسپریس ہائی وے سے ہوتے ہوئے نیشنل پریس کلب پہنچے گی۔
دوسری جانب آزاد کشمیر کے ضلع جہلم ویلی میں بھی مبینہ انتخابی دھاندلی کے خلاف پی ٹی آئی نے احتجاج کیا ہے۔
مرکزی شاہراہ سری نگر پر تحریک انصاف کے احتجاج کے باعث ٹریفک معطل ہے۔
علاوہ ازیں کندھ کوٹ اور ٹانک میں بھی انتخابات میں مبینہ دھاندلی کے خلاف پی ٹی آئی کے کارکنوں نے احتجاج کیا اور ریلی نکالی۔
ٹانک میں احتجاجی ریلی صابر بازار سے ٹاؤن ہال ٹانک کے گراؤنڈ تک نکالی گئی۔
رکن قومی اسمبلی داور خان کا کہنا تھا کہ دھاندلی سے کامیاب ہونے والے ممبران کو گھر بھیجا جائے۔
