خواہش ہے عدلیہ کی جو بھی شکایات ہیں دور ہوجائیں، خواجہ آصف

28 مارچ ، 2024

وزیر دفاع خواجہ آصف کا کہنا ہے کہ وزیراعظم نے یقین دہانی کروائی ہے کہ عدلیہ کو جو مدد درکار ہو گی فراہم کی جائے گی۔

جیو نیوز کے پروگرام کیپٹل ٹاک میں گفتگو کرتے ہوئے وزیر دفاع نے کہا کہ میری خواہش ہے کہ عدلیہ کی جو بھی شکایات ہیں دور ہوجائیں، اگر شکایت آئی ہے تو پراسیس کو فالو کیا جائے گا۔

وزیر دفاع نے کہا کہ فیض آباد دھرنے میں ایک افسر کی پیسے دیتے ویڈیو بنی اور ریکارڈ پر ہے، جب پیسوں کی بات پوچھی گئی تو کہا گیا واپسی کا کرایہ دیا گیا۔

خواجہ آصف نے یہ بھی کہا کہ سیاستدانوں کا کردار بھی دیکھ لیں اس حمام میں سب ننگے ہیں، جنرل باجوہ کو توسیع دینے میں تینوں پارٹی ذمہ دار ہیں، سیاستدانوں کو آئین کی پاسداری پر بیٹھ کر بات کرنی چاہیے۔

انہوں نے کہا کہ ججز کے خط کے معاملے پر ادارے آپس میں گفتگو کر رہے ہیں۔

قومی خبریں سے مزید