سلمان کے والد سلیم خان نے فائرنگ کرنے والوں کو جاہل قرار دیدیا

بالی ووڈ کے نامور کہانی نویس سلیم خان نے بیٹے سلمان خان اور اپنے گھر کے باہر پیش آنے والے فائرنگ کے واقعے پر ردِ عمل دے دیا۔ 

ایک تازہ انٹرویو کے دوران سلیم خان نے سلمان خان کو جان سے مارنے کی کوشش کرنے والوں کو ’جاہل‘ قرار دیا۔ 

 واضح رہے کہ سلمان خان کے گھر کے باہر فائرنگ کرنے والے ملزمان کو پولیس نے گرفتار کرلیا ہے جنہوں نے اس بات کا اعتراف کیا ہے کہ وہ سلمان خان کو قتل کرنا چاہتے تھے۔ 

سلمان خان کا گھر اندر سے ایک عام گھر جیسا نکلا، ویڈیو وائرل

فائرنگ کے واقعے کے بعد سلمان خان اور انکے والد سلیم خان سے ریاست مہاراشٹرا کے وزیراعلیٰ ایکناتھ شندے نے ملاقات کی اور انہیں تحفظ کی یقین دہانی کروائی۔ 

اپنے انٹرویو کے دوران سلیم خان کا کہنا تھا کہ ’یہ جاہل لوگ کہتے ہیں کہ آپ تب سبق سیکھو گے جب ہم آپ کو مار دیں گے۔‘

انہوں نے بتایا کہ پولیس نے ہمیں اضافی سیکیورٹی فراہم کردی ہے، انہوں نے ہمیں اور ہمارے دوستوں کےلیے اضافی سیکیورٹی کی یقین دہانی کروائی تھی۔ 

سلمان خان کو بہنوئی آیوش شرما نے اپنا استاد قرار دے دیا

آیوش شرما نے کہا کہ جب میری فلم رسلان کا ٹریلر جاری ہوا تو مجھے نہیں معلوم تھا کہ سلمان خان اسے سوشل میڈیا پر پوسٹ کر رہے ہیں۔

سلیم خان کا یہ بھی کہنا تھا کہ پولیس نے اس معاملے میں دو افراد کو گرفتار کرلیا ہے جس کا مقصد ہے کہ وہ اس پر کارروائی کر رہے ہیں۔ 

انکا کہنا تھا کہ چونکہ معاملہ پولیس کے پاس ہے اس لیے انہوں نے ہم لوگوں کو اس پر بات کرنے سے روک دیا ہے۔