پہلا حکومتی امتحان گندم خریدنا تھا، اپوزیشن لیڈر پنجاب

پنجاب اسمبلی کے اپوزيشن لیڈر احمد خان بھچر نے کہا ہےکہ اس حکومت کا پہلا امتحان ہی کسان سے گندم خریدنا تھا، ان کے وزیر نے اعلان کردیا کہ گندم نہيں خرید رہے۔

پنجاب اسمبلی میں اپوزیشن ارکان نے کسانوں سے اظہار یکجہتی کےلیے ریلی نکالی اور دھرنا دیا۔

دھرنے سے خطاب کرتے ہوئے احمد خان بھچر نے کہا کہ اس وقت کسان سرکاری قیمت سے کہیں نيچے، 2200 روپے فی من گندم فروخت کر رہا ہے، کسان اپنا حق مانگ رہے ہیں اور یہ انہيں جیل بھیج رہے ہیں۔

اپوزیشن لیڈر پنجاب اسمبلی نے کہا کہ آئی جی صاحب نے جو تمغہ لیا اس کا حق ادا کر رہے ہیں۔