بھارتی شہری چیلنج پورا کرنے کیلئے پلیٹ بھر کے ہری مرچیں کھاگیا

بھارت کے شہر دہلی سے تعلق رکھنے والے ایک فوڈ بلاگر روی کی چیلنج پورا کرنے کے لیے کچی مرچیں کھاتے ہوئے ویڈیو سوشل میڈیا پر وائرل ہوگئی ہے۔

روی نے فوٹو اینڈ ویڈیو شیئرنگ ایپ انسٹاگرام پر اپنی ایک ویڈیو شیئر کی ہے جس میں اسے کچی ہری اور لال مرچوں سے بھری ہوئی ایک بڑی پلیٹ میں سے ایک کے بعد ایک مرچیں کھاتے ہوئے دیکھا جاسکتا ہے۔

فوڈ بلاگر نے ایک کے بعد ایک مرچیں کھانے کی وجہ سے ہونے والی جلن کو کم کرنے کے لیے بٹر ملک کا سہارا لیا۔

روی نے یہ ویڈیو شیئر کرتے ہوئے کیپشن میں بتایا کہ یہ انسٹاگرام پر 20 ہزار فالوورز ہونے پر لیا گیا چیلنج ہے۔

اس ویڈیو کو سوشل میڈیا پر ابھی تک 78 ہزار سے زائد ویوز مل چکے ہیں اور صارفین کمنٹس سیکشن میں اس طرح کا خطرناک چیلنج لینے پر فوڈ بلاگر کی صحت کے حوالے سے اپنے خدشات کا اظہار کر رہے ہیں۔