لوگ ویلیو ایڈيشن اور اچھے رشتوں کیلئے بیٹیوں کو تعلیم دلواتے ہيں، خواجہ آصف

وزیر دفاع خواجہ آصف کا کہنا ہے کہ لوگ ویلیو ایڈيشن اور اچھے رشتوں کے لیے بیٹیوں کو تعلیم دلواتے ہيں۔

سیالکوٹ میں جی سی ویمن یونیورسٹی کے کانووکیشن سے خطاب کرتے ہوئے وزیر دفاع نے کہا کہ حکومتی خرچے پر 1 کروڑ 20 لاکھ روپے لگا کر ڈاکٹر بننے والی لڑکیاں شادی کرکے ہاؤس وائف بن جاتی ہیں۔

خواجہ آصف نے کہا کہ 73 فیصد لڑکیاں میڈیکل میں آتی ہیں اور صرف 17 فیصد پریکٹس کرتی ہیں۔

وزیر دفاع نے یہ بھی کہا کہ لڑکیاں ڈگریاں لے کر گھر پر نہیں بیٹھیں، والدین ہاؤس وائف بنانا چاہیں تو احتجاج کریں۔