جذام کی وجہ سے ایک مشہور ہدایتکار مجھے اسکول سے نکلوانا چاہتے تھے، ڈمپل کپاڈیا

بالی ووڈ کی سینئر اداکارہ ڈمپل کپاڈیا کا کہنا ہے کہ ایک مشہور ڈائریکٹر اور ہمارے خاندان کے قریبی دوست نے مجھے اسکول سے نکالنے کی دھمکی تھی کیونکہ مجھے جذام (لیپروسی) کی تشخیص ہوئی تھی۔ اس وقت میری عمر 12 یا 13 برس تھی۔

حال ہی میں جے پور میں میڈیا سے گفتگو کے دوران ڈمپل کپاڈیا کا کہنا تھا کہ انکے والد چنی بھائی کپاڈیا انڈسٹری کے متعدد جیالوں کے دوست تھے۔ انھوں نے کہا اسی بیماری کی وجہ سے مجھے فلم بوبی (1973) میں کاسٹ ہونے میں مدد ملی۔

اکشے کمار کو ڈمپل کپاڈیا کا داماد ہونے پر فخر کیوں؟

بالی ووڈ کے کھلاڑی اداکار اکشے کمار کو ڈمپل کپاڈیا کا داماد ہونے پر اُس وقت فخر محسوس ہوا جب ہالی ووڈ فلم’ٹینیٹ‘ کے ڈائریکٹر کرسٹوفر نولان نے ڈمپل کپاڈیا کے لیے تعریفی خط لکھا۔

ڈمپل کپاڈیا نے کہا کہ وہ اسکول سے نکالنے کی دھمکی کی وجہ سے پریشان تھیں حالانکہ اسکول سے خارج کرنے کا لفظ میں نے پہلی بار سنا تھا۔ لیکن جذام کے باوجود راج کپور نے مجھے فلم بوبی کےلیے سائن کیا۔

حالانکہ ابتداء میں مجھے اس فلم کےلیے مسترد کردیا گیا تھا۔ راج کپور نے کہا کہ آپ فلم کے ہیرو (رشی کپور) سے بڑی لگتی ہیں، تاہم بعد میں وہ مجھے کاسٹ کرنے پر تیار ہوگئے۔

یاد رہے کہ ڈمپل کپاڈیا نے اپنا بالی ووڈ کیریئر بہت کم عمری (ٹین ایج) میں شروع کیا اور یہ انہی دنوں کی بات ہے جب وہ جذام کی بیماری میں مبتلا تھیں۔