پارلیمنٹ میں فلم پائیریسی کا مسئلہ اٹھانے پر پرینیتی نے راگھو کو اسٹار قرار دے دیا

02 اگست ، 2024

بالی ووڈ اداکارہ پرینیتی چوپڑا نے اپنے شوہر اور عام آدمی پارٹی کے رہنما راگھو چڈھا کو بھارتی پارلیمنٹ میں فلم پائیریسی کی روک کےلیے آواز اٹھانے پر اسٹار قرار دیا۔

واضح رہے کہ پرینیتی چوپڑا کے 36 سالہ شوہر راگھو چڈھا بھارتی پنجاب سے پارلیمنٹ کے ایوان بالا (راجیہ سبھا) کے ممبر ہیں۔

یہ بھی پڑھیے

راگھو کی جانب سے مذکورہ بالا معاملہ راجیہ سبھا میں اٹھانے پر راجیہ سبھا کے چیئرمین جگدیپ ڈھانگر نے تسلیم کیا کہ پرینیتی چوپڑا سے شادی کے بعد راگھو چڈھا کی سیاست میں اہلیہ کے خیالات راسخ ہوگئے ہیں۔

جیسے ہی راگھو اپنا سوال کرکے سیٹ پر بیٹھے تو جگدیپ ڈھانگر نے مسکراتے ہوئے کہا کہ یہ تو فلم انڈسٹری کے بارے میں کافی کچھ جانتے ہیں۔ لگتا ہے انھوں نے تجربہ حاصل کرلیا ہے۔

قریب ہی بیٹھیں سینئر اداکارہ اور امیتابھ بچن کی اہلیہ جیا بچن نے بھی اس مسئلے کو اٹھانے پر راگھو کو سراہا۔ جس پر چیئرمین جگدیپ ڈھانگر نے کہا جیا بچن جب سے اس ایوان میں آئی ہیں تب سے وہ بھی اس پر سرگرم ہیں۔

راگھو چڈھا نے جب جواب دینے کی اجازت چاہی تو چیئرمین نے کہا اسکی ضرورت نہیں ہے کیونکہ آپکی ایک لیجنڈ نے توثیق کی ہے، اس موقع پر جیا بچن مسکراتی رہیں۔

انٹرٹینمنٹ سے مزید