بانی پی ٹی آئی نے اپنی کہی ہوئی بات سے پھر یوٹرن لے لیا، میاں افتخار حسین

عوامی نیشنل پارٹی کے صوبائی صدر میاں افتخار حسین نے کہا ہے کہ بانی پی ٹی آئی نے اپنی کہی ہوئی بات سے پھر یوٹرن لے لیا۔

نوشہرہ میں میڈیا سے بات چیت کرتے ہوئے میان افتخار نے کہا کہ بانی پی ٹی آئی نے اسٹیبلمشنٹ کو نیوٹرل رہنے کا کہا تھا، وہ آج کس منہ سے اسٹیبلشمنٹ سے مذاکرات کی بات کر رہے ہیں۔

سب سے بڑا یو ٹرن وہ ہے جس نے ووٹ کو عزت دو کا نعرہ لگایا اور بوٹ کو عزت دی، بانی پی ٹی آئی

بانی پی ٹی آئی نے کہا ہے کہ مذاکرات آئین کے دائرے میں رہ کر کروں گا۔

میاں افتخار کا کہنا ہے کہ سیاسی جماعت کے بغیر اسٹیبلشمنٹ سے مذاکرات کامیاب نہیں ہوں گے۔

انہوں نے کہا کہ اسٹیبلشمنٹ نے صاف کہا ہے سیاسی پارٹیوں کے درمیان مداخلت نہیں کریں گے۔