کراچی(اسٹاف رپورٹر)لیاری میں رہائشی عمارت کی چھت گرنے سے 2افراد جاں بحق جبکہ 5 زخمی ہوگئے،پولیس نے ضابطے کی کارروائی کے بعد لاشوں کو ورثاء کے حوالے کردیا۔ تفصیلات کے مطابق چاکیواڑہ تھانے کی حدود لیاری چاکیواڑہ چھاچھی گلی کے قریب اتوار اور پیر کی درمیانی شب رہائشی عمارت کی چھت گرگئی جس کے باعث 30 سالہ حسین ولد لال محمد اور 28سالہ منصور ولد علی بلال جاں بحق اور 20سالہ کامران ولد حبل،37سالہ شکور ولد اختر،35سالہ موسیٰ ولد نبی،30سالہ آفتاب ولد نبی اور 30سالہ عبدالرحمن ولد چنگیول شدید زخمی ہو گئے ،حادثہ کی اطلاع پر پولیس اور ریسکیو اہلکاروں نے موقع پرپہنچ کر زخمیوں اور لاشوں کو اسپتال منتقل کیا،پولیس کے مطابق عمارت کی پہلی منزل پر مزدور رہائش پذیر تھے جو چھت کا ملبہ گرنے کے باعث زخمی اور جاں بحق ہوئے ہیں۔
فرمان الہی
نماز کے اوقات
