• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سابق بھارتی کرکٹر ونود کامبلی کی صحت خراب ہوگئی

تازہ ترین
کھیلوں کی خبریں
06 اگست ، 2024


بھارت کے  سابق کرکٹر ونود کامبلی کی صحت خراب ہوگئی۔

بھارتی میڈیا کے مطابق 52 سالہ ونود کامبلی کی ایک ویڈیو سامنے آئی ہے جس میں دیکھا جاسکتا ہے کہ وہ چل نہیں پارہے اور چلنے کے لیے انہیں لوگوں کا سہارے لینا پڑ رہا ہے۔

بھارتی میڈیا کے مطابق ونود کامبلی کافی عرصے سے صحت کے مسائل کا شکار ہیں لیکن اب یہ نئی ویڈیو سامنے آنے کے بعد ان کے مداحوں نے کافی تشویش کا اظہار کیا ہے۔

بھارتی میڈیا کے مطابق کچھ سوشل میڈیا صارفین نے ویڈیو دیکھ کر قیاس آرائی کی کہ وہ نشے میں تھے جبکہ بہت سے لوگوں کا کہنا تھا کہ وہ کچھ عرصے سے بیمار ہیں اور ان کی بگڑتی ہوئی صحت کے نتیجے میں وہ صحیح طرح سے چلنے پھرنے سے قاصر ہیں۔

بھارتی میڈیا کے مطابق ونود کامبلی نے اپنے کیریئر کے دوران 100 سے زائد ون ڈے انٹرنیشنل اور 17 ٹیسٹ میچز کھیلے ہیں۔

کھیلوں کی خبریں سے مزید