• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کولکتہ: ڈاکٹر زیادتی قتل کیس کے ملزم نے جیل میں نخرے دکھانا شروع کردیے

تازہ ترین
بین الاقوامی خبریں
31 اگست ، 2024
کولکتہ: ڈاکٹر زیادتی قتل کیس کے ملزم نے جیل میں نخرے دکھانا شروع کردیے

بھارتی ریاست مغربی بنگال کے شہر کولکتہ میں زیر تربیت خاتون ڈاکٹر کو زیادتی کے بعد قتل کے الزام میں گرفتار سنجے رائے نے جیل میں ملنے والے کھانے پر نخرے دکھانا شروع کردیے۔

9 اگست 2024 کو کولکتہ کے آر جی کار میڈیکل کالج اسپتال میں 31 سالہ پوسٹ گریجویٹ تربیتی ڈاکٹر کے ساتھ زیادتی اور قتل کا واقعہ پیش آیا۔ وہ اسپتال کے سیمینار ہال میں چہرے پر زخموں کے ساتھ مردہ پائی گئی تھیں۔

کولکتہ ڈاکٹر زیادتی قتل، جائے واردات کی تصویر سامنے آگئی

اس تصویر میں کئی افراد کو جرم کے مقام پر موجود دیکھا جا سکتا ہے، جس کے بعد الزام لگایا گیا کہ غیر متعلقہ افراد وہاں داخل ہو کر اہم شواہد کے ساتھ چھیڑ چھاڑ کر سکتے ہیں۔

بھارتی میڈیا کے مطابق ڈاکٹر کے ساتھ زیادتی اور قتل کے الزام میں قید سنجے رائے نے پریذیڈنسی جیل میں دی جانے والی روٹی اور سبزیوں پر غصے کا اظہار کیا ہے۔

ملزم سنجے رائے اس وقت پریذیڈنسی جیل میں قید ہیں، اس نے جیل میں فراہم کیے جانے والے کھانے پر عدم اطمینان کا اظہار کرتے ہوئے روٹی اور سبزی کے بجائے انڈا چاؤمین کی فرمائش کی ہے۔

جیل کے قوانین کے مطابق تمام قیدیوں کو وہی کھانا دیا جاتا ہے جو سب کے لیے تیار کیا جاتا ہے، اس لیے سنجے رائے کی درخواست مسترد کر دی گئی۔

کولکتہ ڈاکٹر زیادتی قتل کیس کے ملزم کو جیل کے وی آئی پی وارڈ میں رکھا گیا، رپورٹ

جیل حکام کے مطابق، رائے نے اپنے سیل میں لے جانے کے بعد کچھ نہیں مانگا۔ وہ جیل کا معمول کا کھانا بھی کھا رہا تھا۔

 جیل ذرائع کے مطابق سنجے رائے کو جب روٹی اور سبزی کا معیاری کھانا دیا گیا تو وہ مشتعل ہوگیا، لیکن جیل عملے کی سرزنش کے بعد اس نے بلآخر کھانا کھانے پر رضا مندی ظاہر کی۔

اس سے قبل، جب سنجے رائے کو سی بی آئی کی حراست سے جیل منتقل کیا گیا تھا، تو اس نے نیند کےلیے اضافی وقت کی درخواست کی تھی اور اسے خود کلامی کرتے ہوئے بھی دیکھا گیا تھا۔ تاہم، کچھ دنوں بعد وہ معمول کی حالت میں واپس آ گیا۔

کولکتہ ڈاکٹر زیادتی قتل کیس میں حیران کن انکشافات سامنے آگئے

میڈیا رپورٹ کے مطابق مرکزی تحقیقاتی ادارہ اس بات کا پتہ لگانے پر توجہ مرکوز کر رہا ہے کہ سرکاری اسپتال کے سیمینار ہال میں یہ جرم

یاد رہے کہ کولکتہ ڈاکٹر کے ساتھ زیادتی قتل کیس کی تحقیقات کے دوران اب تک صرف ایک گرفتاری عمل میں آئی ہے، جس میں کولکتہ پولیس کے سِوک والنٹیئر سنجے رائے کو گرفتار کیا گیا ہے، جو اس وقت عدالتی حراست میں ہیں۔

سی بی آئی کی تحقیقات میں سندیپ گھوش سے پوچھ گچھ جاری:

دوسری جانب جمعہ کو سینٹرل بیورو آف انویسٹی گیشن (سی بی آئی) نے آر جی کار میڈیکل کالج کے سابق پرنسپل سندیپ گھوش کو کیس کے سلسلے میں مسلسل 14ویں دن پوچھ گچھ کے لیے طلب کیا تھا۔

 سی بی آئی کے حکام کے مطابق سندیپ گھوش سے پہلے ہی 140 گھنٹوں سے زیادہ پوچھ گچھ کی جا چکی ہے۔

اس ہولناک جرم کے علاوہ، سندیپ گھوش مالی بدعنوانی کے معاملے میں بھی ایجنسی کے نشانے پر ہیں، جس میں تحقیقاتی افسران نے ان کے اور دیگر افراد کے خلاف پہلے ہی ایف آئی آر درج کر لی ہے۔

ایجنسی کے حکام نے پچھلے اتوار کو ان کے گھر کی تلاشی لی اور ان سے پوچھ گچھ بھی کی۔

اس سے قبل جمعرات کو سی بی آئی کی متعدد ٹیموں نے اپنی جاری تحقیقات کے حصے کے طور پر آر جی کار اسپتال کا دورہ بھی کیا۔

بین الاقوامی خبریں سے مزید