سرفراز بگٹی کی بلاول بھٹو کو بلوچستان میں دہشتگردی کیخلاف اقدامات پر بریفنگ

پاکستان پیپلزپارٹی کے چیئرمین بلاول بھٹو زرداری اور بلوچستان کے وزیرِ اعلیٰ سرفراز بگٹی کی زرداری ہاؤس میں ملاقات ہوئی ہے۔

ملاقات کے دوران چیئرمین بلاول بھٹو زرداری اور وزیرِ اعلیٰ بلوچستان سرفراز بگٹی کے درمیان بلوچستان کی سیاسی صورتِ حال پر بات چیت ہوئی۔

اس موقع پر بلوچستان کے وزیرِ اعلیٰ نے بلاول بھٹو زرداری کو بلوچستان میں دہشت گردی کی حالیہ لہر اور اس پر قابو پانے کے اقدامات سے متعلق بریفنگ دی۔

پی پی پی کے چیئرمین کو سرفراز بگٹی نے بلوچستان میں بارشوں کے بعد کی سیلابی صورتِ حال اور اس پر قابو پانے کے اقدامات سے بھی آگاہ کیا۔