فرمان الہی
نماز کے اوقات
کراچی (نیوز ڈیسک) دنیا کے امیر ترین لوگوں کی فہرست میں ردو بدل کا سلسلہ جاری ہے اس کے تحت مکیش امبانی کو بھی نقصان کا سامنا کرنا پڑا ہے اور وہ اب ایک درجے تنزلی کے ساتھ 12 ویں نمبرپر آ گئے ہیں جس کے بعد ان کی ٹاپ 10ارب پتیوں کی لسٹ سے دوری تھوڑی اور بڑھ گئی ہے۔ ان کی دولت کا تخمینہ 311کھرب روپے ہے حالانکہ گوتم کو ایک پوزیشن کا فائدہ ہوا ہے اور وہ 16ویں سے 15ویں نمبر پر پہنچ گئے ہیں ۔ان کے اثاثوںکی مالیت 101ارب ڈالر (281 کھرب روپے )ہے ۔
ایلون مسک 692کھرب روپے کے اثاثوں کےساتھ دنیاکے امیرترین شخص کی پوزیشن پر برقرار ہیں ‘ 581کھرب روپے کے ساتھ جیف بیزوس کا دوسرااور528کھرب روپے ملکیت کے ساتھ مارک زکربرگ کا تیسرا نمبرہے ۔
برنارڈارنالٹ 180ارب ڈالر (501کھرب روپے )کے ساتھ چوتھی جبکہ لیری ایلسن 178 ارب ڈالر (495 کھرب روپے )کے ساتھ پانچویں پوزیشن پر براجمان ہیں‘بلومبرگ بلینئرس انڈیکس کی تازہ رینکنگ میں ریلائنس انڈسٹریز کے مالک مکیش امبانی اب 112 ارب ڈالر (311 کھرب روپے) کی کُل جائیداد کے ساتھ 12ویں پوزیشن پر ہیں۔
مکیش امبانی کو پچھاڑتے ہوئے امانسیو اورٹیگا دنیا کے ارب پتیوں کی فہرست میں 11 نمبر پر پہنچ گئی ہیں۔ ان کی جائیداد 113 ارب ڈالر(314کھرب روپے ) ہے۔
منگل کو مکیش امبانی کی ملکیت میں جہاں ایک طرف 335 ملین ڈالر کا اضافہ ہوا تو وہیں دوسری جانب امانسیو کے نٹ ورتھ میں 1.24 ارب ڈالر کا زبردست اضافہ ہوا ہے۔
اسی فرق نے مکیش امبانی کو لسٹ میں ایک نمبر پیچھے دھکیل دیا۔ارب پتیوں کی فہرست میں ایلون مسک 249 ارب ڈالر (692 کھرب روپے)کے ساتھ بدستور پہلی پوزیشن پر اپنی جگہ برقرار رکھے ہوئے ہیں حالانکہ کمائی کی بات کی جائے تو میٹا کے سی ای او مارک زکربرگ ٹاپ پر ہیں۔
زکربرگ نے اس سال ایلون مسک کے مقابلے میں تین گنا زیادہ کمائی کی ہے۔ ایلون مسک نے اپنے نٹ ورتھ میں اس سال جہاں 20 ارب ڈالر کا اضافہ کیا ہے وہیں مارک زکربرگ نے 62.4 ارب ڈالر اضافہ کے ساتھ سبھی کو بہت پیچھے چھوڑ دیا ہے۔
