آج لاہور اور کراچی کی فضا مضرِ صحت

ایئر کوالٹی انڈیکس کے مطابق آج لاہور اور کراچی کی فضا مضرِ صحت ہے۔

لاہور آلودہ ترین شہروں کی فہرست میں چوتھے نمبر پر ہے جس کا ایئر کوالٹی انڈیکس 163 ریکارڈ کیا گیا ہے جبکہ کراچی آلودہ ترین شہروں کی فہرست میں پانچویں نمبر پر ہے جہاں ایئر کوالٹی انڈیکس 155 ہے۔

دنیا کے آلودہ ترین شہروں میں بغداد پہلے نمبر پر ہے جہاں ایئر کوالٹی انڈیکس 215 ریکارڈ کیا گیا ہے۔

لاہور اور کراچی کا فضائی معیار انتہائی مضرِ صحت قرار

پاکستان کے سب سے بڑے شہر کراچی اور صوبہ پنجاب کے دارالخلافہ کا فضائی معیار آج انتہائی خطرناک حد تک مضرِ صحت ہے۔

دوسری جانب محکمہ موسمیات کا کہنا ہے کہ کراچی میں 24 گھنٹے کے دوران موسم گرم اور خشک رہنے کا امکان ہے۔

محکمہ موسمیات کے مطابق شہر میں کم سے کم درجہ حرارت 27.5 ڈگری سینٹی گریڈ ریکارڈ ہوا ہے جبکہ زیادہ سے زیادہ درجہ حرارت 39 ڈگری سینٹی گریڈ تک رہنے کا امکان ہے۔

شہر میں ہوا میں نمی کا تناسب 56 فیصد ہے۔