بولان میں تخریب کاری سے متاثرہ ریلوے پُل کی مرمت مکمل

بولان کے علاقے دوزان میں تخریب کاری سے متاثرہ ریلوے پُل کی مرمت کا کام مکمل کر لیا گیا۔

ریلوے حکام کے مطابق کل 11 اکتوبر سے کوئٹہ سے اندورن ملک کے لیے ٹرین سروس بحال کردی جائے گی، پُل پر سے ریلوے انجن اور ٹرین گزار کر ٹرائل کرلیا گیا ہے۔

ریلوے حکام کے مطابق ریلوے پُل کی بحالی کے بعد جعفر ایکسپریس کل صبح 9 بجے پشاور روانہ ہو گی جبکہ بولان میل 13 اکتوبر کو کوئٹہ سے کراچی کے لیے روانہ ہو گی۔

کوئٹہ سے اندرونِ ملک اور چمن کیلئے ٹرین سروس بدستور معطل

صوبۂ بلوچستان کے دارالخلافہ کوئٹہ سے اندرونِ ملک اور چمن کے لیے ٹرین سروس بدستور معطل ہے۔

اس حوالے سے ڈی ایس ریلویز کوئٹہ عمران حیات نے ٹرائل کا معائنہ کیا۔

واضح رہے کہ 26 اگست کو تخریب کاری کے واقعے میں دوزان پُل تباہ ہو گیا تھا۔