• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹیک اینڈ پے، 18 آئی پی پیز سے دو ہفتوں میں معاہدے کا امکان

آج کا اخبار
اہم خبریں
11 نومبر ، 2024
اسلام آباد (خالد مصطفیٰ) ’ٹیک اینڈ پے‘ موڈ پر 18آئی پی پیز سے دو ہفتوں میں معاہدے کا امکان، اس سے سالانہ70سے100ارب روپے کی بچت میں مدد ملے گی۔ تفصیلات کے مطابق بجلی کی خریداری کے لیے ’’ٹیک اینڈ پے‘‘ موڈ پر 1994 اور2002کی پاور پالیسیوں کے تحت 4267 میگاواٹ بجلی پیدا کرنے کی مجموعی صلاحیت کے ساتھ 18آزاد پاور پروڈیوسرز (آئی پی پیز) کے ساتھ معاہدہ دو ہفتوں میں ہونے کا امکان ہے۔ ایک ہفتے کے بعد موجودہ ٹیک یا پے موڈ کی بجائے بجلی کی خریداری کے لیے 18آئی پی پیز کو ٹیک اینڈ پے موڈ میں تبدیل کرنے کے امکانات بہت روشن ہیں لیکن دو ہفتوں کے وقت میں دونوں نئے معاہدوں پر دستخط کرنے میں دو ہفتے کا وقت لگ سکتا ہے۔ پاور سیکٹر انڈسٹری اور سرکاری حکام کے مطابق بات چیت خوش اسلوبی سے جاری ہے۔ حکومت ’ٹیک اینڈ پے‘ موڈ کے تحت بجلی کی اصل ترسیل کے خلاف ہی ادائیگی کرے گی اور آئی پی پیز کو صلاحیت کی ادائیگی بالکل بھی نہیں کی جائے گی۔
اہم خبریں سے مزید