فرمان الہی
نماز کے اوقات
پاکستان میوزک انڈسٹری کے لیجنڈ مرحوم گلوکار نصرت فتح علی خان کی وراثت کو ان کے بھتیجے گلوکار راحت فتح علی خان نے آگے بڑھایا اور وہ آج بھی اپنے چچا کو یاد کر کے ہوئے جذباتی ہو جاتے ہیں۔
حال ہی میں فوٹو اینڈ ویڈیو شیئرنگ ایپ انسٹاگرام پر راحت فتح علی خان کی ایک پرانی ویڈیو وائرل ہو رہی ہے۔
اس وائرل ویڈیو میں دیکھا جا سکتا ہے کہ راحت فتح علی خان اپنے چچا نصرت فتح علی خان کے انتقال کے بعد ایک پرفارمنس کے دوران ان کا مشہور گانا ’اکھیاں اڈیک دیاں‘ گاتے ہوئے رونے لگے۔
راحت فتح علی خان نے گلوکاری اپنے چچا نصرت فتح علی خان سے سیکھی، یہ دونوں ایک دوسرے کے بہت قریب تھے۔
یہی وجہ ہے کہ جب نصرت فتح علی خان کا انتقال ہوا تو راحت فتح علی خان غم سے نڈھال تھے اور اپنے چچا کے دنیا سے رخصت ہو جانے کے بعد جب پہلی بار اُنہوں نے اسٹیج پر پرفارم کیا تو وہ خراجِ عقیدت پیش کرتے ہوئے اپنے جذبات پر قابو نہیں رکھ سکے اور رو پڑے۔
راحت فتح علی خان کی سوشل میڈیا پر وائرل ہونے والی اس پرانی ویڈیو کو سوشل میڈیا صارفین کی جانب سے بہت پسند کیا جا رہا ہے اور مختلف قسم کے تبصرے بھی کیے جا رہے ہیں۔
