فرمان الہی
نماز کے اوقات
عالمی شہرت یافتہ پاکستانی گلوکار راحت فتح علی خان کی دبئی میں بھارتی اداکار سنجے دت سے ملاقات ہوئی ہے جس کی ویڈیو سوشل میڈیا پر وائرل ہو گئی۔
راحت فتح علی خان نے فوٹو اینڈ ویڈیو شیئرنگ ایپ انسٹاگرام پر دبئی میں سنجے دت سے ہونے والی ملاقات کی ویڈیو شیئر کی ہے۔
اس ویڈیو میں دونوں فنکاروں کو انتہائی خوش گوار انداز میں ایک دوسرے سے ہاتھ ملاتے اور گفتگو کرتے ہوئے دیکھا جا سکتا ہے۔
اُنہوں نے ویڈیو شیئر کرتے ہوئے کیپشن میں لکھا ہے کہ شکریہ سنجے دت صاحب! آپ کے شفقت بھرے الفاظ اور محبت میرے لیے بہت معنی رکھتے ہیں۔
گلوکار نے اپنی پوسٹ کے آخر میں سنجے دت کے لیے اپنی نیک تمناؤں کا اظہار بھی کیا ہے۔
سوشل میڈیا صارفین کی جانب سے اس ویڈیو کو بہت پسند کیا جا رہا ہے اور اس پر دلچسپ تبصرے بھی کیے جا رہے ہیں۔
واضح رہے کہ بھارتی شائقینِ موسیقی اور بھارتی فلم انڈسٹری کی مشہور شخصیات بھی راحت فتح علی خان کی سحر انگیز آواز کی دیوانی ہیں۔
گلوکار نے کئی سُپر ہٹ بالی ووڈ فلموں کے لیے بھی اپنی آواز میں گانے ریکارڈ کروائے ہیں جنہیں شائقین کی جانب سے بہت پسند کیا گیا۔
