مظفر آباد (آئی این پی )مظفرآباد میں محبت کی شادی کیلئے اپنی جان کو خطرے میں ڈال کر کنٹرول لائن عبور کرمقبوضہ کشمیر سے آزاد کشمیر آنے والی لڑکی اور اسکے محبوب عمران کی ضمانت کا معاملہ ایک روز تک کیلئے لٹک گیا۔ سول جج حویلی نے درخواست ضمانت پر مزید کارروائی آج (ہفتہ ) تک ملتوی کر دی۔ ذرائع کے مطابق سول عدالت حویلی درخواست ضمانت منظور یا مسترد کرنے سے متعلق فیصلہ آج سنائے گی۔جوڈیشل لاک اپ میں رہائی کے منتظر پریمی جوڑے فاطمہ اور عمران کو رہائی نہ مل سکی۔اپنے بھائی کے دوست عمران سے محبت کی شادی کرنے کیلئے 24 نومبر کو مقبوضہ کشمیر کے علاقہ کرنی کی رہائشی دوشیزہ فاطمہ نے کنٹرول لائن عبور کرکے آزاد کشمیر ضلع حویلی کے رہائشی عمران کے گھر پناہ لی۔پولیس نے عمران اور فاطمہ کو گرفتار کر کے حوالات میں بند کر دیا۔
فرمان الہی
نماز کے اوقات
