فرمان الہی
نماز کے اوقات
بھارتی اداکارہ راکھی ساونت نے مہاراشٹر سائبر سیل کی طرف سے طلبی پر ردعمل دیا اور کہا کہ میں نے گالیاں نہیں دی ہیں۔
بھارتی میڈیا رپورٹ کے مطابق سمے رائنا کے یوٹیوب شو انڈیا گاٹ لیٹنٹ تنازع میں راکھی ساونت کو بھی کھینچ لیا گیا ہے۔
مہاراشٹر سائبر سیل نے سمے رائنا اور رنویر الہ آبادیا کے بعد راکھی ساونت کو بھی سمن ارسال کیا ہے، جس پر اداکارہ نے ردعمل دیا۔
ویڈیو میں راکھی ساونت نے حیرت کا اظہار کیا اور استفسار کیا کہ مجھے کیوں طلب کیا گیا؟ میں نے تو صرف انٹرویو دیا تھا کسی کو گالی نہیں دی تھی۔
انہوں نے مزید کہا کہ مجھے سمن بھیجنے کے بجائے کال کرلیں، جو بھی سوال کریں گے جواب دے دوں گی، میں ایک فنکارہ ہوں، میں نے معاوضے کے بدلے انٹرویو دیا، میں نے کسی کو کوئی گالی نہیں دی۔
اداکارہ نے یہ بھی کہا کہ ملک میں عصمت دری کے معاملات حل ہونے چاہئیں، کئی خواتین انصاف کی منتظر ہیں اور مقدمات التوا کا شکار ہیں۔
راکھی ساونت نے کہا کہ میرے پاس کام ہے نہ ہی پیسے ہیں جو آپ کو دے سکوں، میں نے کوئی گناہ نہیں کیا، میں تو وائٹ کالر ہوں۔
