فرمان الہی
نماز کے اوقات
آسٹریلیا کے سابق کرکٹر ڈیوڈ وارنر کو پائلٹ نہ ہونے کی وجہ سے بھارتی ایئر لائن کی پرواز کے لیے گھنٹوں انتظار کرنا پڑا۔
بھارتی میڈیا کے مطابق پائلٹ نہ ہونے کی وجہ سے ڈیوڈ وارنر کے ہمراہ متعدد مسافر کئی گھنٹے جہاز میں بیٹھے رہے۔
جہاز کئی گھنٹے تک بھارتی شہر بنگلورو کے ایئر پورٹ پر کھڑا رہا، ایئر لائن کی طرف سے وجہ بتائی گئی کہ موسمی خرابی کی وجہ سے جہاز پرواز نہیں کرسکتا۔
ڈیوڈ وارنر نے واقعے کے حوالے سے اپنے ایکس اکاؤنٹ سے ٹوئٹ کیا جس میں انہوں نے ایئر لائن سے شکوہ کیا کہ ہم ایک ایسے ہوائی جہاز میں سوار ہوگئے ہیں جس میں کوئی پائلٹ موجود نہیں اور ہم گھنٹوں سے اس طیارے میں انتظار کررہے ہیں، آپ نے یہ جانتے ہوئے بھی مسافروں کو کیوں سوار کرایا جب آپ کے پاس فلائٹ کے لیے پائلٹ نہیں ہے؟
