فرمان الہی
نماز کے اوقات
کرکٹ شائقین کے ہردلعزیز کھلاڑی شاہین آفریدی اپنے ننھے بیٹے عالیار کو دنیا کے سامنے لے آئے۔
حال ہی میں پاکستان سُپر لیگ کے سلسلے میں ہونے والے کراچی کنگز اور لاہور قلندرز کے درمیان میچ کے بعد گراؤنڈ میں دلچسپ مناظر دیکھنے کو ملے جسے کمیرے کی آنکھ میں قید کر لیا گیا۔
لاہور قلندرز نے شاہین آفریدی کی کپتانی میں کراچی کنگز کو 65 رنز سے شکست دی۔
بعد ازاں خوشی کے اس موقع پر شاہین آفریدی اپنے قریبی دوست کراچی کنگز کے نائب کپتان حسن علی سے اپنے بیٹے کو ملوانے کے لیے گراؤنڈ میں لے آئے۔
یہ مناظر ناصرف پاکستانی سوشل میڈیا ویب سائٹس پر نظر آئے بلکہ بھارتی میڈیا نے بھی شاہین آفریدی کو ان کے بیٹے عالیار کے ساتھ خوب کوریج دی۔
یاد رہے کہ یہ پہلا موقع تھا جب شاہین آفریدی اپنے بیٹے کو یوں دنیا کے سامنے لائے ہیں۔
اس سے قبل شاہین آفریدی اور ان کے سسر، شاہد آفریدی عرف بوم بوم لالہ بھی سوشل میڈیا پر عالیار کے چہرے کو صارفین سے چھپاتے رہے ہیں۔
