فرمان الہی
نماز کے اوقات
پاکستان کے سینئر اور معتبر فنکار آصف رضا میر نے آخرکار اپنے بیٹے احد رضا میر اور سابقہ بہو سجل علی کی علیحدگی پر خاموشی توڑ دی۔
حال ہی میں ایک پروگرام میں شرکت کرتے ہوئے آصف رضا میر نے ناصرف سجل علی کے ساتھ نئے ڈرامے میں کام کرنے کی تصدیق کی، بلکہ اس حساس موضوع پر گفتگو کی جس نے سننے والوں کو حیران بھی کیا اور داد دینے پر بھی مجبور کر دیا۔
آصف رضا میر نے بتایا کہ وہ جلد ہی بڑے پراجیکٹ "میں منٹو نہیں ہوں" میں سجل علی کے والد کا کردار ادا کرتے نظر آئیں گے، اس کاسٹ کا اعلان ہوتے ہی سوشل میڈیا پر چہ میگوئیاں شروع ہوگئیں کیونکہ سجل ان کی سابقہ بہو ہیں۔
آصف رضا میر نے صاف گوئی سے کہا کہ ہم دونوں نے فیصلہ کیا کہ ہم پروفیشنل آرٹسٹ ہیں، رشتے ختم ہو سکتے ہیں، مگر احترام باقی رہنا چاہیے۔
انہوں نے مزید کہا کہ سجل کا بھی یہ قدم حوصلے اور ذہانت کا غماز ہے اور دونوں نے ماضی کو پیچھے چھوڑ کر فن کی راہ پر چلنے کا عزم کیا۔
حال ہی میں ایک ایوارڈ شو کی ایک وائرل ویڈیو میں سجل اور احد کو ایک ہی مقام پر دیکھ کر مداحوں میں پھر سے پرانی یادیں تازہ ہوگئیں۔ اس پر آصف رضا میر نے نہایت وقار اور دانائی سے جواب دیا کہ ہماری فیملی میں اتنی پختگی ہے کہ ہم سوشل میڈیا کی افواہوں اور باتوں کو سنجیدہ نہیں لیتے۔
انہوں نے مزید کہا کہ رشتے بننا اور ٹوٹنا زندگی کا حصہ ہیں، اصل عظمت یہ ہے کہ پرانے زخموں کو نہ کُریدا جائے بلکہ وقار سے آگے بڑھا جائے۔
