فرمان الہی
نماز کے اوقات
پنجاب کے محکمۂ داخلہ کی جانب سے کالعدم تنظیموں اور ان کے ذیلی اداروں کی فہرست جاری کی گئی ہے۔
محکمۂ داخلہ پنجاب نے شہریوں کو تنبیہ کی ہے کہ عوام کالعدم تنظیموں اور ان کے ذیلی اداروں کو قربانی کی کھالیں نہ دیں، انسدادِ دہشتگردی ایکٹ 1997ء کے تحت کالعدم تنظیموں کی معاونت جرم ہے۔
محکمۂ داخلہ پنجاب کے ترجمان کا کہنا ہے کہ کالعدم تنظیموں کی امداد کرنے والے قانون کے شکنجے میں آئیں گے، قربانی کی کھالیں صرف پنجاب چیریٹی کمیشن سے رجسٹرڈ اداروں کو دیں۔
پنجاب کے محکمۂ داخلہ کے مطابق رجسٹرڈ اداروں کی تصدیق ان کے سرٹیفکیٹ پر کیو آر کوڈ سے کی جا سکتی ہے۔
محکمۂ داخلہ کے ترجمان کے مطابق شہری یقینی بنائیں کہ ان کی امداد دہشتگردوں کی بجائے صحیح حقدار تک پہنچے، رجسٹرڈ اداروں کی تفصیلات محکمۂ داخلہ پنجاب کی ویب سائٹ پر دیکھی جا سکتی ہیں۔
محکمۂ داخلہ پنجاب کے ترجمان کا کہنا ہے کہ پنجاب چیریٹی کمیشن اور نیکٹا کی ویب سائٹ پر بھی تمام کالعدم تنظیموں کی تفصیلات موجود ہیں۔
