• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قومی بچت اسکیموں پر منافع کی شرح میں کمی

آج کا اخبار
اہم خبریں
15 جولائی ، 2025
اسلام آباد (این این آئی) قومی بچت اسکیموں پر منافع کی شرح میں کمی کر دی گئی، ڈیفنس سیونگ سرٹیفکیٹس پر منافع کی شرح 11.91 فیصد سے کم کر کے 11.76 فیصد کر دیا گیا۔ تفصیلات کے مطابق سنٹرل ڈائریکٹوریٹ آف نیشنل سیونگز نے مالی سال 25ـ2024 کیلئے اسلامی مالیاتی شعبے میں سرمایہ کاری کا ہدف 140 ارب روپے مقرر کر دیا ہے۔ اس اقدام کا مقصد ملک میں اسلامی معیشت کے فروغ اور مالیاتی تنوع کو وسعت دینا ہے۔ ترجمان قومی بچت کے مطابق گزشتہ مالی سال قومی بچت اسکیموں میں مجموعی سرمایہ کاری کا حجم 255 ارب روپے تک پہنچ گیا جو مقررہ ہدف 106 ارب روپے سے کہیں زیادہ تھا۔ رواں مالی سال کیلئے قومی بچتوں کا مجموعی ہدف 14 کھرب روپے رکھا گیا ہے۔ادارے نے جون کے آخری ہفتے سے ڈیفنس سیونگ سرٹیفکیٹس اور اسپیشل سیونگ سرٹیفکیٹس پر منافع کی شرح میں کمی کر دی ہے۔ ڈیفنس سیونگ سرٹیفکیٹس پر منافع کی شرح 11.91 فیصد سے کم کر کے 11.76 فیصد جبکہ اسپیشل سیونگ سرٹیفکیٹس پر منافع 10.90 فیصد سے کم کر کے 10.60 فیصد کر دیا گیا ہے۔شہدا فیملی ویلفیئر اکاؤنٹ پر بھی منافع میں 20 بیسس پوائنٹس کی کمی کی گئی ہے، جبکہ اسلامک سیونگ اکاؤنٹ پر منافع میں 59 فیصد کمی کی گئی ہے۔
اہم خبریں سے مزید