• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ججز سینیارٹی کیس، عدالتی فیصلے کے خلاف مزید 2 انٹراکورٹ اپیلیں دائر

آج کا اخبار
اہم خبریں
15 جولائی ، 2025
اسلام آباد (آئی این پی)ججز سینیارٹی کیس میں عدالتی فیصلے کیخلاف مزید دو انٹرا کورٹ اپیلیں سپریم کورٹ میں دائر ہوگئیں۔ اپیلوں کنندگان کا موقف ہے کہ تقرری صرف جوڈیشل کمیشن کے ذریعے ممکن ہے۔ کراچی بار ایسوسی ایشن اور شعیب شاہین کی جانب دائر کی گئی اپیلوں میں 10 جون کے فیصلے کو کالعدم قرار دینے کی استدعا کی گئی ہے۔ اپیلوں میں کہاگیا ہے کہ سپریم کورٹ نے آرٹیککل 200 کی غلط تشریح کی اور مستقل تبادلے کا تصور خود سے اخذ کیا جو آئین میں موجود ہی نہیں۔ اپیل کنندگان کا موقف ہے کہ ججز کی اسامیوں پر تقرری صرف جوڈیشل کمیشن کے ذریعے ممکن ہے جبکہ عدالت کا یہ کہنا کہ تبادلے سے بھی اسامی پر تعیناتی ہوسکتی ہے آئین کے خلاف ہے۔ اپیلوں میںیہ بھی کہاگیا ہےکہ ججز کی سینیارٹی طے کرنا صدر مملکت کا اختیار نہیں۔
اہم خبریں سے مزید