• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

واسا کے ملازمین دو ماہ سے تنخواہ سے محروم، گھروں میں فاقے ہونے لگے

میرا شہر
ملتان
04 اگست ، 2025
ملتان (سٹاف رپورٹر) واسا کا بجٹ منظور نہ ہونے کے سبب ڈیلی ویجز ملازمین اور کلریکل سٹاف دو ماہ سے تنخواہوں سے محروم، گھروں میں فاقے، ملازمین کا فوری طور پر تنخواہوں کی ادائیگی کا مطالبہ، تفصیلات کے مطابق واسا ملتان شدید مالی بحران سے دوچار ہے، ریکارڈ ریکوری کے باوجود 200 ڈیلی ویجز ملازمین سمیت دیگر ملازمین تنخواہوں سے محروم ہیں، بروقت تنخواہیں نہ ملنے کی وجہ سے ملازمین کے گھروں میں فاقے ہو رہے ہیںاور بعض ملازمین کے بجلی، گیس کے کنکشن بھی عدم ادائیگی پر کٹ چکے ہیں، متاثرہ ملازمین کا کہنا ہے کہ واسا انتظامیہ نے انہیں تنخواہیں دینے کی بجائے میپکو اور پٹرول پمپ مالکان کو کروڑوں روپے کے واجبات ادا کر دیئے ہیں جس کے باعث ان کی تنخواہ مسلسل دو ماہ سے تاخیر کا شکار ہے، واسا ملازمین نے ڈائریکٹر جنرل پنجاب واسا لاہور، ایم ڈی خالد رضاڈائریکٹر ایڈمن، ڈی سی ملتان اور کمشنر ملتان سے مطالبہ کیا ہے کہ ان کی تنخواہوں کی ادائیگی کے لئے ہنگامی بنیادوں پر اقدامات اٹھائے جائیں، بصورت دیگر وہ احتجاج کرنے پر مجبور ہو جائیں گے۔
ملتان سے مزید