فرمان الہی
نماز کے اوقات
ایک نئی تحقیق کے مطابق بلڈ پریشر (بلند فشار خون) پر سخت کنٹرول نہ صرف مریضوں کے لیے مفید ہے بلکہ یہ صحت کی دیکھ بھال کے لیے اٹھنے والے اخراجات کو قابو رکھنے میں بھی موثر ہوتا ہے۔
معروف امریکی میڈیکل جرنل انالز آف انٹرنل میڈیسن میں محققین کی شائع شدہ رپورٹ کے مطابق بلڈ پریشر کو 120 سیسٹولک سے کم سطح پر قابو میں رکھنا دل کے دورے، فالج، ہارٹ فیل اور دل سے متعلق دیگر صحت کے مسائل کو بہتر اور موثر طریقے سے قابو میں رکھتا ہے۔
محققین کے مطابق یہ طریقہ اخراجات کے لحاظ سے بھی موثر ہے کیونکہ بلڈ پریشر کو سختی سے قابو میں رکھنے سے علاج کے اخراجات میں صرف معمولی سا اضافہ ہوتا ہے۔
اس تحقیقی ٹیم کی سربراہ اور برمنگھم اینڈ وومین اسپتال بوسٹن کی انویسٹیگٹر کیرن اسمتھ کے مطابق یہ تحقیق ان مریضوں اور ان کے معالجین کے لیے معاون ہوگی جو امراض قلب کے خطرے سے دوچار ہیں، کیونکہ وہ اب بلڈ پریشر کو سختی سے کنٹرول کرنے کو اپنا ہدف بنائیں گے۔
