فرمان الہی
نماز کے اوقات
پاکستان پیپلز پارٹی نے آزاد کشمیر کی وزارتِ عظمیٰ کے لیے امیدوار کا اعلان نہیں کیا ہے۔
ذرائع کے مطابق موجودہ وزیرِ اعظم انوار الحق کے خلاف تحریکِ عدم اعتماد میں بھی نئے قائدِ ایوان کے نام کی جگہ خالی ہے۔
ذرائع کا کہنا ہے کہ صدرِ مملکت آصف علی زرداری کا خصوصی ایلچی نئے وزیر اعظم کے نام کا سیل بند خط لے کر مظفر آباد جائے گا۔
ذرائع نے بتایا ہے کہ تحریکِ عدم اعتماد جمع کرانے سے قبل نئے قائد ایوان کا نام درج کیا جائے گا۔
واضح رہے کہ وزیرِ اعظم آزاد کشمیر کے خلاف تحریکِ عدم اعتماد میں نئے قائدِ ایوان کا نام لکھنا لازم ہے۔
سیکریٹری جنرل پیپلز پارٹی آزاد کشمیر فیصل راٹھور کا کہنا ہے کہ وزیرِ اعظم آزاد کشمیر کے نام کے حوالے سے کوئی حتمی منظوری یا فیصلہ نہیں ہوا ہے۔
ان کا یہ بھی کہنا ہے کہ وزیرِ اعظم آزاد کشمیر کے ناموں پر پارٹی کی مشاورت ہوتی رہی ہے، چیئرمین پیپلز پارٹی بلاول بھٹو زرداری وزیرِ اعظم آزاد کشمیر کے نام کا خود اعلان کریں گے۔
