فرمان الہی
نماز کے اوقات
ورلڈ ریسلنگ انٹرٹینمنٹ (WWE) کے عظیم ریسلر جان سینا نے اپنی شاندار کیریئر میں ایک اور تاریخی سنگِ میل عبور کر لیا۔
انہوں نے مانڈے نائٹ را کے دوران ڈومینک مسٹیریو Dominik Mysterio کو شکست دے کر پہلی بار انٹر کانٹینینٹل چیمپئن شپ اپنے نام کر لی۔
یہ مقابلہ امریکی ریاست میساچوسٹس کے شہر بوسٹن کے مشہور ٹی ڈی گارڈن میں منعقد ہوا، جہاں سینا نے زبردست استقبال کے بعد ناظرین سے الوداعی خطاب کیا، تاہم تقریر کے دوران ڈومینک مسٹیریو نے انہیں چیلنج کیا، جس پر WWE کے چیف کنٹینٹ آفیسر ٹرپل ایچ نے فوراً ایک ٹائٹل میچ کا اعلان کر دیا۔
مقابلے میں مسٹیریو نے بھرپور حملے کیے، مگر سینا نے ایک موقع پر فراگ اسپلیش Frog Splash موو اپناتے ہوئے ایٹیٹیوڈ ایڈجسٹمنٹ Attitude Adjustment کا زوردار وار کیا، جس کے نتیجے میں مسٹیریو کا 204 دن کا چیمپئن شپ دور ختم ہو گیا۔
اس فتح کے ساتھ ہی جان سینا نے وہ واحد اعزاز یعنی گرینڈ سلم بھی حاصل کر لیا جو ان کے 23 سالہ کیریئر میں باقی تھا۔
اب سینا کے پاس WWE کی تاریخ کے تمام بڑے اعزازات ہیں جس میں WWE چیمپئن شپ، یونائیٹڈ اسٹیٹس چیمپئن شپ، ٹیگ ٹیم چیمپئن شپ اور اب انٹر کانٹینینٹل چیمپئن شپ شامل ہے۔
