فرمان الہی
نماز کے اوقات
پنجاب کے مختلف شہروں میں شدید دھند کے باعث حدِ نگاہ متاثر ہوئی ہے جس سے صبح کے اوقات میں مسافروں کو مشکلات کا سامنا کرنا پڑا۔
ترجمان موٹر وے پولیس کے مطابق اسلام آباد میں دھند میں اضافے کے باعث موٹر وے ایم 2 بلکسر سے کوٹ مومن تک بند رہی۔
بھکر شہر اور گرد و نواح میں دھند کے باعث ٹریفک کی روانی متاثر ہوئی جبکہ حافظ آباد اور گرد و نواح میں بھی شدید دھند اور سردی کی شدت میں اضافہ ہوا ہے۔
حافظ آباد میں موٹر وے ایم ٹو پنڈی بھٹیاں سے ٹھوکر نیاز بیگ تک بند رہا جبکہ موٹر وے ایم فور پنڈی بھٹیاں سے فیصل آباد تک بند رہا۔
ٹوبہ ٹیک سنگھ میں پیر محل اور رجانہ کے گرد و نواح میں شدید دھند اور حدِ نگاہ انتہائی کم ہونے سے ٹریفک کی روانی متاثر ہوئی۔ موٹر وے ایم 3 کو چار مختلف مقامات پر ٹریفک کے لیے بند کردیا گیا۔
ترجمان موٹر وے پولیس کے مطابق موٹر وے ایم 2 لاہور سے کوٹ مومن تک دھند کی وجہ سے بند رہی جبکہ موٹر وے ایم 3 لاہور سے درخانہ تک بند رہی۔
لاہور سیالکوٹ موٹر وے ایم 11، موٹر وے ایم 4 پنڈی بھٹیاں سے عبدالحکیم تک، موٹر وے ایم 5 ملتان سے روہڑی تک دھند کی وجہ سے بند رہی۔
دوسری جانب ٹریفک پولیس کے مطابق شکرگڑھ شہر اور گرد و نواح میں دھند کے باعث ٹریفک کی روانی متاثر رہی۔
ترجمان موٹر وے پولیس کے مطابق موٹر وے ایم 2 لاہور سے کوٹ مومن، موٹر وے ایم 3 لاہور سے درخانہ، لاہور سیالکوٹ موٹر وے ایم 11، موٹر وے ایم 4 پنڈی بھٹیاں سے عبدالحکیم تک، موٹر وے ایم 5 ملتان سے روہڑی تک دھند کی وجہ سے بند رہی ۔
علاوہ ازیں چیچہ وطنی شہر اور مضافاتی علاقوں میں شدید دھند اور سردی میں اضافہ ہوا ہے۔ قومی شاہراہ پر حدِ نگاہ کم ہونے کی وجہ سے ٹریفک کی روانی متاثر ہوئی۔
ملتان، فیصل آباد، کمالیہ اور گرد و نواح میں بھی دھند کے باعث موٹر ویز اور ہائی ویز پر ٹریفک کی روانی متاثر ہوئی۔
