فرمان الہی
نماز کے اوقات
وزیرِ اعلیٰ بلوچستان سرفرار بگٹی کا کہنا ہے کہ میں جو وعدہ کرتا ہوں پورا کرتا ہوں، ہمیں کسی سے بھیگ مانگنے کی ضرورت نہیں ہے۔
بارکھان میں تقریب کے شرکاء سے خطاب کرتے ہوئے انہوں نے کہا کہ ہمیں کسی سے گزارش کرنے کی ضرورت نہیں ہے، نوجوانو! قومیں نعروں سے نہیں بنتیں، کردار سے بنتی ہیں۔
سرفراز بگٹی کا کہنا ہے کہ جو محنت سے بھاگ جائے وہ نام تو پا سکتا ہے مگر مقام نہیں، میں تنقید کو ہمیشہ اپنے لیے مثبت سمجھتا ہوں۔
وزیرِ اعلیٰ بلوچستان نے کہا کہ غیرت وراثت میں ملتی ہے، ترقی کمائی جاتی ہے، اپنے سر اونچا رکھو، جیسے کوہ سلیمان اونچا ہے، ہم آپس میں بھائی تھے، بھائی رہیں گے، بھائیوں کی طرح زندگی گزاریں گے۔
ان کا کہنا ہے کہ یقین دلا رہا ہوں کہ فیصلے تخت پر نہیں، دلوں میں لکھے جاتے ہیں، قبائل سے جو محبتیں سمیٹی ہیں میں ان کا قرض دار ہوں۔
انہوں نے یہ بھی کہا کہ آئیے قومی نعرہ لگانے میں میرا ساتھ دیں، ان لوگوں کو پیغام دیں کہ ہم پاکستانی ہیں۔
