فرمان الہی
نماز کے اوقات
وزیراعلیٰ بلوچستان سرفراز بگٹی نے کہا ہے کہ بندوق کے زور پر خدانخواستہ پاکستان کو توڑنے کی کوشش تاقیامت ناکام رہے گی۔
پولیس ٹریننگ کالج کوئٹہ میں پاسنگ آؤٹ پریڈ سے خطاب میں سرفرار بگٹی نے کہا کہ ہم ایک لمحے بھی آپ کے بندوق کے نظریے کو قبول کرنے کو تیار نہیں۔
وزیراعلیٰ نے کہا کہ بلوچستان کے بہادر سپاہی آپ کے مقابلے میں سیسہ پلائی دیوار کی طرح کھڑے رہیں گے۔
انہوں نے کہا کہ آپ اگر آئین پاکستان کے اندر رہتے ہوئے واپس آنا چاہتے ہیں تو ریاست کے راستے کھلے ہیں۔
سرفراز بگٹی کا کہنا تھا کہ اگر آپ ریاست کے کارآمد شہری بننے کو تیار نہیں ہیں تو ہم اس کے لیے بھی تیار ہیں۔
وزیراعلیٰ بلوچستان نے مزید کہا کہ لیڈرز پاپولر فیصلے نہیں کرتے بلکہ وہ ہمیشہ درست فیصلے کرتے ہیں، آج پورے بلوچستان کو اے ایریاز میں تبدیل کیا جاچکا ہے، یہ صرف ایک مضبوط فیصلہ نہیں، یہ بلوچستان پولیس کے لیے اعزاز اور ذمہ داری کی بات ہے۔
اس موقع پر وزیراعلیٰ بلوچستان نے پولیس ٹریننگ کالج کے لیے بجلی کے اسپیشل فیڈرز، سیوریج سسٹم اور سڑکوں کی مرمت کا اعلان کیا۔
