فرمان الہی
نماز کے اوقات
اقوام متحدہ (یو این) نے اسلام آباد کی مسجد میں خودکش حملے کی مذمت کردی اور پاکستان حکومت اور عوام سے دہشت گردی اور انتہاپسندی کے خلاف یکجہتی کا اظہار کیا ہے۔
یو این سیکریٹری جنرل انتونیو گوتریس نے کہا کہ عبادت گاہوں اور شہریوں پر حملے ناقابلِ قبول ہیں، حملے کے ذمےداروں کو انصاف کے کٹہرے میں لایا جائے۔
دوسری طرف اسلامی تعاون تنظیم (او آئی سی) نے بھی دہشت گردی کے واقعے کی مذمت کی ہے، سیکریٹری جنرل حسین براہم طحٰہ نے کہا کہ ہر قسم کی دہشت گردی اور عبادت گاہوں کو نشانہ بنانے کی سختی سے مخالفت کرتے ہیں۔
قطر نے بھی اسلام آباد خودکش حملے کی مذمت کرتے ہوئے دہشت گردی، عبادت گاہوں کو نشانہ بنانے اور بےگناہ شہریوں میں خوف پھیلانے کو مسترد کردیا۔
