فرمان الہی
نماز کے اوقات
درہ آدم خیل سے جعلی کرنسی سپلائی کرنے والے 2 ملزمان کو گرفتار کر لیا گیا۔ ترجمان ڈی آئی جی آپریشنز لاہور کے مطابق ملزمان نے بکرے فروخت کرنے والے شہری کو جعلی نوٹ تھمایا تھا۔
شہری بیٹی کے جہیز کا سامانِ خریدنے گیا تو دکاندار نے نوٹ جعلی ہونے کا بتایا۔ ترجمان کے مطابق متاثرہ شہری کی درخواست پر نشتر کالونی پولیس نے دو ملزمان کو گرفتار کیا، ایک ملزم 2013 سے جعلی کرنسی کے کام میں ملوث نکلا۔
ترجمان کے مطابق ملزم جعلی نوٹوں کے کاٹن درہ آدم خیل سے منگواتا تھا۔ ترجمان ڈی آئی جی آپریشنز لاہور نے مزید بتایا کہ ایک کاٹن میں تقریباً 5 لاکھ روپے مالیت کے جعلی نوٹ موجود ہوتے تھے۔
ترجمان کے مطابق ملزمان نے جعلی کرنسی سے حافظ آباد، شیخوپورہ، فیصل آباد، گوجرانوالہ اور لاہور سے بکرےخریدتے رہے۔
ڈی آئی جی آپریشنزفیصل کامران کے مطابق ملزمان سے جعلی کرنسی سے خریدا ہوا بکرا اور گاڑی برآمد کیا گیا۔
